فاطمه

ظن رشاد أنها أخطأت في إحدي الفتيات الواقفة: مين هي يا دكتور و إحنا هنتفاهم معاها و نعرف سبب الخلاف و لو ليها حق، أنا المسئول قدام حضرتك.
أشار العميد لفاطمة: الدكتورة فاطمة.
رشاد: مش معقول، دول زملائه و معرفة في نفس الوقت. أكيد في سوء تفاهم.
عز: طب يا دكتور، احنا هناخدهم و نحل المشكلة و آسفين للإزعاج حضرتك.
العميد: حضرتك جوز فاطمة.
فاطمة باحراج: لا ابن عم جوزي.
العميد: طالما هتحلوا المشكلة ، يبقي خلاص، ثم أشار لفاتن: و انت يا دكتورة لو لسانك تطاول تاني: هيتم فصلك ، و راعي إنك في جامعة محترمة
خرجوا جميعا ، و الټفت البنات حول فاطمة: متزعليش يا فاطمة، و احنا معاكي دايما ، ثم نظرن لفاتن بسخرية
فاطمة: أنا بجد بشكركم اوي، و سعيده أن بأه ليا أصحاب كتير كدا.
البنات: مش هتحضري بقيت المحاضرات .
فاطمة: لا انهاردا خلاص قفل معايا مش حقدر.
البنات: متقلقيش ، هننقلك المحاضرات و كويس انهاردا مفيش عملي.يالله سلام و نشوفك بكره. و انصرفوا.
رشاد و هو يشعر الحرج: أنا بجد آسف يا فاطمة، هي فاتن متهورة شوية، بس طيبة.
فاطمة: أنا في حالي و هي في حالها، و مش عاوزة منها اكتر من كدا
رشاد: ليه بس، دا انتم الاتنين سند لبعض في الكليه.
فاطمة: سند و تطعني في شرفي اسفة، دلوقتي مش حقدر اقول عليها حتي زميلة.
عز پصدمة و ڠضب: إيه، هي حصلت.
فاتن: هي اللي مكبره الموضوع، حابه تعيش دور الضحېة.
كز عز علي اسنانه: لم اختك يا رشاد، و لينا حساب تاني و انصرف و خلفه فاطمة و رشاد الذي يحاول أن يتحدث معه.
إحدي الفتيات قصدت الكلام بصوت عالي: معقولة بجد متجوزة واحد عبيط. وقف عز و رشاد وجد البنات غير من كان مع فاطمة يتحدثون و هن ينظرن لفاطمة التي ظلت ماشية في طريقها للخارج في صمت
نظر عز لرشاد: هي وصلت لكدا، شكرا يا صاحبي.
ركبا عز و فاطمة السيارة، نظر إليها ، وجدها جالسة دون أي تعابير.
عز: هي اللي خبرتهم عن ابراهيم
اماءت فاطمة فقط برأسها.
عز: هخدلك حجك منها و من أهلها كمان.
فاطمة: لا، رشاد صاحبك و شريكك ، ملهوش ذنب، باخته و حقدها.
عز : ليه ذنب إنه جصر في تربيتها.
فاطمة برجاء: أرجوك، أنا بالنسبالي الموضوع انتهى، و هي مش هتعامل معاها تاني و خلاص. وصلا للعمارة و نزلا، قابلهما إحدي البودي جاردز الذين عينهم عز لحماية فاطمة او ابراهيم لو نزل من العمارة: في واحد بيقول من البلد طلع شقة ابراهيم
عز : مجالش مين.