الفصل الأول رنا

الروايه الجديده 
البارت الاول 
هي مراتك مش ناويه تعقل بقا ولا مش هتسكت الا اما تطلق
_في اي تاني يا أمي
كل حاجه مرات اخوك الي بتعملها من غسيل مواعين لطبيخ لغسيل لكنس لمسح وكمان معاها عيل 
مسح على وشه بضيق..... ربنا يعينها ياأمي بس انتي عارفه رنا مش
بلااااااا رنا بلا زفت مراتك ياأحمد تنزل من بكرا من 7الصبح تحضر الفطار واليوم كله عليها
احمد بهدوء.... ياامي اسمعي مراتي انتي عارفه انها يدوب بتعرف تعمل في بيتها وكمان بتتهد في الشقه كبيره والاكل والغسيل والطوي و
امه بعصبيه...... افندم يعني هتكسر كلمتي يعني ولا اي مش فاهمه وبعدين انت بتدافع عنها كدا ليه تكونشي محامي الدفاع عنها احمد هي كلمه ورد غطاها مراتك تنزل فاهم

كنت واقفه ع السلم سامعه كل كلمه قالتلها مش عارفه اي غيرها معايا بالشكل دي كانت في الاول بتحبني بجد ولا كأني بنتها بس دلوقتي بحسها تطيق العما ولا تطيقني .. قاطعتهم وانا بنزل بهدوء.... انا نزلت اهو يا حبيبتي حقك عليا عارفه اني اتاخرت في النزول النهارده بس وحياه ربنا ياماما يادوب لسا مخلصه التنضيف دلوقتي 
حسيت ملامحها هدت شويه بس صوت سلفتي خلاها تكشر تاني.... ااه معتش قادره ياضهري انا خلصت الاكل اهو ياماما وغسلت المواعين 
ربنا يخليكي يابنتي ويسعدك قادر ياكريم 
لقيت احمد بيشدني من ايدي ولسا هنطلع..... راااايح فين يابن بطني ايييي مش قااادر خلاص وبعدين ما السنيوره لسا نازله اهي واخدها فييين بقا 
احمد مسح على وشه بنرفزه..... تعبااااان ياامي لسا جاي من الشغل 
وواخدها معاااك لي سبها تنزل تخدمنيالكلمه وجعتي بجد حقيقي هي شايفاني خدامه يعني انا اعملها بعيوني والله بس لو الاسلوب كويس بس فوقت ع نظره الحزن الي في عيون احمد ابتسمتله بهدوء وانا بمسح على شعره بحب.... اطلع انت خد دش وانا هحاول اخلع باي طريقه وهجيلك
ابتسملي الابتسامة بتاعته الي بتنسيني كل حاجه حرفيا حتى اسمي مش حزني بس.... مستنيكي متتاخريش عليا
دخلت المطبخ لقيت حرفيا المواعين كانها مغسوله بميا بس وشكلهم مش لطيف ابدا ومش مرصوصين حتى حلو والمطبخ متكركب كنت حابه انده على حماتي اقولها هو فين دا الي متنضف بس سكت وقولت اهو كتر خيرها بردوا ممكن تعبت من الاكل وعملت المطبخ انا من اول وجديد 
شويه ولقيت سلفتي حنان لابسه نفس عبايه الاستقبال بتاعتي بس اللون مختلف مش اول مره الاقيها لابسه نفس لبسي بجد انا مش مأفوره بس بدات اضايق بس فوتت وهديت نفسي وعادي كل شويه تدخل تحطلي طبق مش نضيف وتقولي اغسلي واعملي وامسحي اتخنقت منها ورميت الفوط من ايدي وزعقت..... هو في اي هو انتي قاصداها بقا
مثلت البراءه بحترافيه.... في اي بس يارنا 
في اي انتي كل شويه طبق ورا طبق ورا