منزل عمار

_بابا انا شوفت ماما جميله عند البسين بتلعب مع عمار
عامر پصدمه ايه انت شوفت ماما جميله ازاي ماما بقت عند ربنا دلوقتي ياحبيبي 
اياد بعند لا انا شوفتها بتعوم في البسين مع عمار
عامر پصدمه اكبر عمار مين! 
اياد بطفوله عمار صديقي الجديد يابابا تعال معايا اعرفك عليه 
اقترب عامر من ابنه بشفقه كبيره وحضنه بحب وقال اياد حبيبي انت اخدت العلاج بتاعك صح 

اياد بنفي لا لسه يابابا انا كونت بلعب مع عمار عند البسين ولقيت ماما طلعت منه وكانت بتضحك وتلعب معانا 
عامر پصدمه ماما طلعت من البسين نفسه اللي ماټت فيه يااياد!
اياد بتأكيد ايوه يابابا طلعت منه تعال معايا علشان تشوفها انت كمان وتصدقني
عامر مشي مع اياد ابنه بشفقه عليه لانه تعب اوي بعد مۏت امه وكل يوم ياجي يقوله انا شوفت ماما عند البسين وعامر يروح معاه كل يوم في نفس الوقت بس مش بيلاقي شئ عند البسين وكل ده بيطلع هلاوس من عقل اياد بس
وفعلا مثل كل يوم وصل عامر مع ابنه عند البسين وكان الوضع هادئ جدا مثل العاده فحمل عامر ابنه بشفقه وحزن عليه وقال شوفت يابطل مفيش ماما هنا انت كل يوم بتعمل كده معايا يااياد وتقول ماما هنا بس ياحبيبي ماما بقت عند ربنا دلوقتي وده اكيد عقلك اللي بيصورلك انها لسه موجوده هنا فاهم مني حاجه
هز اياد راسه بعدم فهم فضحك عليه عامر وقال مانا كل يوم بقولك نفس الكلام وانت برضو مش بتفهم 
وتهند بتعب وكمل ياله ياحبيب بابا لازم تاخد علاجك دلوقتي وتنام الوقت تأخر اوي
اياد بحزن بس انا مش عاوز اخده يابابا علشان بعد ماباخده ماما مش بتاجي تلعب معايا بس عمار بياجي يلعب معايا باليل بعد مانت تنام